Gineadh Ceoil
Cuireann Gineadh Ceoil oideachas i léiriú an cheoil, atá ar ardchaighdeán, inacmhainne agus inrochtana, ar fáil do dhaoine óga, atá 18 bliana d’aois agus níos óige, ar fud Chill Dara agus Chill Mhantáin. Cuirtear teagasc an cheoil ar fáil trí chláir scoile, teagasc tar éis am scoile, tacú le ensemble ceoil, ceolfhoirne, tionscnaimh pobal, campaí samhraidh ceoil agus deiseanna taispeántais.
Tá foireann tiomanta agus nuálach oideachasóirí ceoil ag soláthar an réimse ilghnéitheach clár ceoil, ag tabhairt taithí luachmhar do mhic léinn a bheith ag foghlaim ó cheoltóirí atá ag obair agus ag tabhairt taispeántais. Cuirtear máistir-ranganna, ceardlanna agus tionscnaimh speisialta ar fáil i rith na bliana, chun cur le héispéaras ceoil na ndaoine óga trí bheith ag obair le cumadóirí ceoil agus le haoi-cheoltóirí ar cuairt.
Ann Catherine Nolan
An tOifigeach um Fhorbairt Ceoil
Oideachas Allamuigh
Bunaíodh an tAonad um Oideachas Allamuigh, Bealach Conglais, sa bhliain 1987, chun rochtain a thabhairt do mhic léinn sa bhunoideachas agus san oideachas ag an dara leibhéal ar an ‘Seomra Ranga Allamuigh’, trí mheán chláir ghníomhaíochtaí allamuigh agus staidéar allamuigh. I measc na n-áiseanna san Aonad tá: Lóistín do dhaichead is a cúig duine, bialann, seomraí siamsaíochta, seomraí feistis, balla dreapadóireachta laistigh, raon boghdóireachta, cúirteanna leadóige agus cúrsa rópaí arda/túr dreapadóireachta. I measc na n-imeachtaí atá ar fáil san AOA tá: Cadhcáil, Curachóireacht, Rópaí Arda, Dreapadóireacht, Rópadóireacht Anuas, Cnocadóireacht, Treodóireacht, Boghdóireacht agus Cláir um Neartú na Foirniúlachta.
Paul Scott
Stiúrthóir Ionaid
